İqtisadi əməkdaşlıq təşkilatının Azərbaycana münasibəti

4 mart  2021-ci ildə   İqtisadi  Əməkdaşlıq  Təşkilatının  XlV  onlayın  Zirvə  toplantısı  keçirilib. Azərbaycan   Respublikasının  Prezidenti  İlham  Əliyev toplantıda  videoformatda   çıxış  edib. Zirvə toplantısına sədrlik  edən  Pakistanın  Baş  naziri   İmran  Xan  Azərbaycanın Qələbəsi  münasibətilə  təbriklərini  çatdıraraq  dedi: -Mən  Azərbaycanın  işğal   olunmuş   ərazilərinin  müvəffəqiyyətlə azad   edilməsi münasbətilə Prezident   İlham  Əliyevi  xüsusilə  təbrik  etmək  istəyirəm. Pakistan   hökumətinin başçısı  çıxışında təşkilata   üzv   ölkələr arasında   ticarət   əlaqələrinin  inkişafının  vacibliyini  vurğuladı.

Prezident  Rəcəb  Tayyib   Ərdoğan  Azərbaycanın   işğal  altında  qalan  torpaqlarını  uğurla   azad  etdiyini  bildirərk  dedi: Qardaşımız   Azərbaycan   erməni  işğalı  altındakı  torpaqlarını   şanlı  bir  Zəfərlə  azad  etmiş  bölgədə, yeni  bir  dövrün  qapılarını açmışdır. Bundan  sonra  hədəfimiz   Qarabağda  təhlükəsizlik və sabitliyin  formalaşmasına   yardım  etmək,  30  illik  işğalın  fəsadlarını  birlikdə  aradan  qaldırmaqdır. Bu  prosesdə  də  təşkilat   olaraq   Azərbaycan  ilə  tam  həmrəylik  içində  olacağımıza   inanıram.  Azərbaycanın  tarixi  ərazisi  olan   Zəngəzurdan   keçəcək   və  Azərbaycanın  əsas   hissəsi  ilə  ölkəmizin  ayrılmaz  hissəsi  Naxçıvan   Muxtar  Respublikasını  və  Türkiyəni  birləşdirəcək   yeni   bağlantı  dəhlizi  regionda   nəqliyyat  sektorunda  yeni  imkanlar     yaradacaq. Biz  İqtisadi  Əməkdaşlıq   Təşkilatının   üzv   dövlətlərini   Zəngəzur  dəhlizindən  faydalanmağa   dəvət   edirik.

Azərbaycan   İqtisadi   Əməkdaşlıq   Təşkilatının   fəal   üzvüdür   və  təşkilata  üzv   olan  dövlətlərlə   münasibətlərinə   xüsusi  əhəmiyyət  verir. Bunu Prezident  İlham Əliyev Əməkdaşlıq   Təşkilatının   Nazirlər   Şurasının  27-ci  iclasının  iştirakçılarına   müraciətində    bildirib.  İQT  regionumuzun   nəhəng   iqtisadi    potensialından   daha   səmərəli    istifadə, region  ölkələri   arasında   iqtisadiyyat   və  ticarət   sahəsində   əlaqələrin   inkişaf    etdirilməsi   baxımından əlverişli  imkanlara   malikdir. Azərbaycan  təşkilat  çərçivəsində  əməkdaşlığın  bütün  sahələrdə  genişlənməsinin   tərəfdarıdır. Bir neçə  gün  öncə   Şuşa   şəhərinin  2026-cı il  üçün  İƏT-in  turizm  paytaxtı  elan  edilməsinə  görə  təşəkkürümü  bildirirəm deyə dövlət   başçısı  qeyd etmişdir.

Ofelye Nəsirova,
Kimya Biologiya Təmayüllü Respublika Liseyi,Tarix müəllimi