2021-ci il iyunun 15-də Şuşa şəhərində imzalanan Şuşa Bəyannaməsi Azərbaycan-Türkiyə münasibətlərinin tarixində yeni bir mərhələnin başlanğıcı oldu. Bu mühüm sənəd iki qardaş ölkə arasında mövcud olan dostluq və əməkdaşlıq əlaqələrini daha da möhkəmləndirdi.
Şuşa Bəyannaməsi siyasi, iqtisadi, hərbi, enerji, nəqliyyat, təhsil və mədəniyyət sahələrində əməkdaşlığın genişləndirilməsini nəzərdə tutur. Sənəd tərəflərin milli maraqlarının qorunmasına və ortaq məqsədlərin həyata keçirilməsinə xidmət edir.
Bəyannamənin Şuşada imzalanması xüsusi rəmzi məna daşıyır. Şuşa Azərbaycanın mədəniyyət paytaxtı olmaqla yanaşı, Vətən müharibəsində qazanılmış tarixi Zəfərin simvoludur. Bu şəhərdə imzalanan sənəd qardaşlığın sarsılmaz olduğunu bir daha nümayiş etdirdi.
Azərbaycan və Türkiyə arasındakı münasibətlər uzun illərdir “Bir millət, iki dövlət” prinsipi üzərində qurulub. Şuşa Bəyannaməsi bu prinsipin hüquqi və siyasi əsaslarını daha da gücləndirdi.
Sənəd regional təhlükəsizliyin təmin olunmasına da mühüm töhfə verir. Qarşılıqlı hərbi yardım və müdafiə sahəsində əməkdaşlıq iki dövlətin təhlükəsizlik imkanlarını artırır.
Şuşa Bəyannaməsi iqtisadi inkişaf baxımından da böyük əhəmiyyət daşıyır. Yeni nəqliyyat dəhlizləri, investisiya layihələri və ticarət əlaqələri regionun inkişafına təkan verir.
Bu sənəd Türk dünyasının birliyinin güclənməsinə də xidmət edir. Azərbaycan və Türkiyənin birgə fəaliyyəti türk dövlətləri arasında əməkdaşlığın genişlənməsinə şərait yaradır.
Şuşa Bəyannaməsi gələcək nəsillərə qardaşlıq, birlik və həmrəylik nümunəsi kimi qalacaq, Azərbaycan-Türkiyə münasibətlərini daha da inkişaf etdirəcəkdir.
Günel Kərimova,
YAP Nizami rayon təşkilatının fəalı
