Sosial siyasətin əsas məsələlərindən biri qəbul edilən qərarların yalnız qısamüddətli deyil, uzunmüddətli maliyyə dayanıqlığının təmin edilməsidir. Hərbi qulluqçuların əməkhaqqı və pensiya sistemində aparılan dəyişikliklər bu baxımdan bir-biri ilə əlaqəli mexanizmlər kimi nəzərdən keçirilir.
Əməkhaqqının artırılması cari sosial təminatı gücləndirirsə, pensiya kapitalına əsaslanan sistem gələcək təminatın maliyyə əsaslarını formalaşdırır. Sosial sığorta ehtiyatlarının sosial ödənişlərə yönəldilməsi isə sistem daxilində yaranan resursların sosial məqsədlərə qaytarılmasını təmin edir.
Bu üç istiqamətin birlikdə nəzərdən keçirilməsi sosial müdafiə siyasətinin kompleks xarakterini göstərir. Belə modeldə hərbi qulluqçunun xidmət dövrü, pensiya mərhələsi və sosial sığorta hüquqları vahid sistem daxilində qiymətləndirilir.
Zeynəb Hacıyeva,
YAP Nizami rayon təşkilatının fəalı
