Dağ-mədən sənayesi yüksək texnologiya və iri istehsal avadanlıqları ilə yanaşı, xüsusi təhlükəsizlik tələbləri ilə xarakterizə olunan sahələrdəndir. Mədənlərdə, zənginləşdirmə müəssisələrində və metallurgiya zavodlarında işçilərin təhlükəsizliyinin təmin edilməsi istehsal prosesinin ayrılmaz hissəsi olmalıdır.
Yeni layihələrin hazırlanması zamanı texniki təhlükəsizlik məsələlərinin layihələndirmənin ilkin mərhələsindən nəzərə alınması vacibdir. Müasir avadanlıqların tətbiqi, avtomatlaşdırılmış nəzarət sistemləri və təhlükəli proseslərin məsafədən idarə olunması istehsalat risklərinin azaldılmasına kömək edə bilər. Bununla yanaşı, işçilərin müvafiq təlimlərdən keçirilməsi də mühüm şərtdir.
Mədən sənayesində təhlükəsizlik yalnız texniki vasitələrlə təmin olunmur. Müəssisələrdə təhlükəsizlik qaydalarına əməl olunması, işçilərin mütəmadi maarifləndirilməsi və fövqəladə vəziyyətlərə hazırlıq sisteminin yaradılması da zəruridir. Yeni sənaye müəssisələrinin fəaliyyətində beynəlxalq təcrübənin nəzərə alınması bu baxımdan əlavə imkanlar yarada bilər.
2027–2030-cu illərdə yeni müəssisələrin yaradılması ilə bu sahədə çalışan mütəxəssislərin sayının artacağı gözlənilir. Buna görə kadr hazırlığı proqramlarında texniki təhlükəsizlik üzrə biliklərin gücləndirilməsi də diqqətdə saxlanılmalıdır. Təhlükəsiz əmək şəraiti həm insan amilinin qorunmasına, həm də istehsal proseslərinin dayanıqlı təşkilinə xidmət edir.
Kəmalə Rəsulova,
YAP Nizami rayon təşkilatının “Çobanzadə küçəsi, 69” ərazi partiya təşkilatının sədri
