Ulu Öndər Heydər Əliyevin bu sözləri müstəqil Azərbaycanın möhtəşəm yüksəlişini və dövlət rəmzlərinə olan dərin məhəbbəti ifadə edir. O, bayrağı sadəcə bir atribut kimi deyil, xalqın müstəqillik iradəsinin, milli kimliyinin və əbədi azadlıq arzularının rəmzi kimi dəyərləndirirdi. Bayrağımızın beynəlxalq səviyyədə dalğalanması Azərbaycanın dünya arenasında qazandığı nüfuzun ən canlı sübutudur.
Heydər Əliyevin uzaqgörən siyasəti nəticəsində Azərbaycan qısa müddətdə öz milli dəyərlərini bərpa etdi və onları beynəlxalq müstəviyə daşıdı. Üçrəngli bayrağın hər bir dalğalanması bu nailiyyətlərin, qazanılmış sabitliyin və dövlət müstəqilliyinin parlaq təcəssümüdür. Bayrağımız indi dünyanın bir çox paytaxtlarında Azərbaycanın səsini, ruhunu və gücünü təmsil edir.
Bu sözlər həm də gələcək nəsillər üçün bir vəsiyyət, bir məsuliyyət çağırışıdır. Bayrağın daim ucalarda dalğalanması yalnız dövlətin deyil, hər bir vətəndaşın vətənpərvərliyindən asılıdır. Onu ucaldan, qoruyan və sevən xalq, müstəqilliyini əbədi yaşadacaq.
Ulu Öndərin “bu bayraq heç vaxt enməyəcəkdir” fikri, həm tarixi inamın, həm də milli ruhun simvoludur. Bu inam bu gün də xalqımızı birləşdirir, hər bir Azərbaycan vətəndaşının qəlbində əbədi bir qürur mənbəyi kimi yaşayır.
Turan Zeynalzadə
YAP Xəzər rayon təşkilatının fəalı
