Şuşa Bəyannaməsi ilə Azərbaycan və Türkiyə arasında münasibətlər təkcə siyasi və hərbi sahələrlə məhdudlaşmadı. Sənədin əsas xüsusiyyətlərindən biri də əməkdaşlığın bütün sahələri — iqtisadiyyat, enerji, nəqliyyat, təhsil, mədəniyyət və media daxil olmaqla — geniş spektrdə nəzərdə tutulması oldu. Bu yanaşma, iki ölkənin bir-birinə təkcə müttəfiq deyil, həm də ayrılmaz tərəfdaş kimi baxdığını sübut etdi.
İqtisadi inteqrasiyanın gücləndirilməsi sənəddə önəmli yer tutur. Birgə sərmayə layihələri, sənaye zonalarının yaradılması, gömrük prosedurlarının uyğunlaşdırılması kimi məsələlər tərəflərin ortaq iqtisadi maraqlarını əks etdirir. Xüsusilə Zəngəzur dəhlizi ilə bağlı planlar, regionun ticarət və nəqliyyat xəritəsini yenidən formalaşdırmaq potensialına malikdir.
Təhsil və mədəniyyət sahəsindəki əməkdaşlıq da gələcəyə hesablanıb. Gənclərin mübadiləsi, universitetlər arasında birgə proqramlar, mədəni tədbirlər və ortaq media layihələri — bunlar milli kimliyi gücləndirməklə yanaşı, yeni nəsillərin bir-birini daha yaxından tanımasına şərait yaradır. Bu, sadəcə siyasətin deyil, ictimai münasibətlərin də dərinləşməsinə xidmət edir.
Bütün bunlar göstərir ki, Azərbaycan-Türkiyə əməkdaşlığı artıq strateji çərçivədən çıxaraq həyatın bütün sahələrinə nüfuz edir. Bu model qarşılıqlı etimada əsaslanan, davamlı və çoxşaxəli bir münasibətin nümunəsi kimi dünya üçün örnəkdir.
Turan Zeynalzadə
YAP Xəzər rayon təşkilatının fəalı
