2024-cü ildə Daşkənddə imzalanmış Müttəfiqlik münasibətləri haqqında Müqavilə Azərbaycan-Özbəkistan əlaqələrinin ən yüksək mərhələyə çatdığını rəsmi şəkildə təsdiqlədi. Prezident İlham Əliyev 2025-ci il iyulun 2-də keçirilən mətbuat konfransında bu sənədi tarixi bir dönüş nöqtəsi kimi qiymətləndirdi. O bildirdi ki, artıq iki ölkə arasında münasibətlər sadəcə dostluq çərçivəsini aşaraq strateji və hərtərəfli müttəfiqliyə keçib.
Müqavilə çərçivəsində təhlükəsizlik, enerji, ticarət, müdafiə sənayesi və humanitar sahələr üzrə əməkdaşlığın dərinləşdirilməsi nəzərdə tutulur. Bu, sadəcə siyasi əməkdaşlığı deyil, həm də regional təhlükəsizlik və sabitlik üçün ortaq məsuliyyəti ifadə edir. İlham Əliyev vurğuladı ki, sənəd həmçinin Türk Dövlətləri Təşkilatı çərçivəsində birgə fəaliyyətin gücləndirilməsinə də stimul verəcək.
Daşkənddə imzalanan müqavilənin reallaşdırılması istiqamətində artıq ilk nəticələr görünməyə başlayıb. Birgə iqtisadi forumlar, yüksək səviyyəli komissiyaların görüşləri və yeni logistika layihələri bu sənədin operativ şəkildə həyata keçirildiyini göstərir. Prezident Əliyev, bu müqavilənin gələcək illərdə Azərbaycan və Özbəkistanı daha da yaxınlaşdıracağını və ortaq təşəbbüslərlə qlobal gündəmə çıxaracağını qeyd etdi.
Çıxışının sonunda Prezident İlham Əliyev Daşkənd Sazişinin yalnız iki ölkənin deyil, bütövlükdə Türk dünyasının inteqrasiyasına töhfə verdiyini bildirdi. O, bu sənədin ardınca münasibətlərin yalnız daha da dərinləşəcəyinə əminliyini ifadə etdi.
Günay Şahverdiyeva
YAP Xəzər rayon təşkilatının fəalı
