Müasir dünyada enerji siyasəti yalnız iqtisadi inkişafla məhdudlaşmır, eyni zamanda ətraf mühitin qorunması və dayanıqlı inkişaf məqsədlərinə nail olunmasında mühüm rol oynayır. Azərbaycan da bu istiqamətdə həyata keçirdiyi uğurlu siyasətlə beynəlxalq səviyyədə diqqət çəkən ölkələrdən biridir. Prezident İlham Əliyevin rəhbərliyi ilə yaşıl enerji sahəsində reallaşdırılan layihələr ölkəmizin gələcək inkişaf strategiyasının mühüm tərkib hissəsinə çevrilib.
Avropa Komissiyasının Prezidenti Ursula Fon der Lyayenin Azərbaycana səfəri zamanı bərpaolunan enerji sahəsində əməkdaşlığın genişləndirilməsi əsas müzakirə mövzularından biri oldu. Bu, Azərbaycanın günəş, külək və su elektrik enerjisi potensialının beynəlxalq tərəfdaşlar tərəfindən yüksək qiymətləndirildiyini göstərir.
Ölkəmizdə həyata keçirilən iri həcmli layihələr nəticəsində yaxın illərdə yaşıl enerji istehsalının əhəmiyyətli dərəcədə artacağı gözlənilir. Bu, həm daxili enerji tələbatının daha səmərəli ödənilməsinə, həm də yeni ixrac imkanlarının yaranmasına şərait yaradacaq. Eyni zamanda, bərpaolunan enerji mənbələrinin inkişafı karbon emissiyalarının azaldılmasına və ekoloji tarazlığın qorunmasına da mühüm töhfə verəcək.
Azərbaycanın yaşıl enerji strategiyası beynəlxalq əməkdaşlığın genişlənməsi üçün də yeni imkanlar açır. Xarici investorların bu sahəyə artan marağı ölkəmizin əlverişli investisiya mühitinə və həyata keçirilən islahatlara olan etimadın göstəricisidir.
Prezident İlham Əliyevin uzaqgörən siyasəti nəticəsində Azərbaycan ənənəvi enerji sektorunda olduğu kimi, yaşıl enerji istiqamətində də etibarlı tərəfdaş kimi mövqeyini möhkəmləndirir. Bu strategiya ölkəmizin iqtisadi inkişafına, enerji təhlükəsizliyinə və beynəlxalq nüfuzunun daha da artmasına mühüm töhfə verir.
Aytən İsmayılova,
YAP Nizami rayon təşkilatının fəalı
