Azərbaycanın mövqeyinin haqlı olması onun qələbəsində çox böyük rol oynayıb
2020-cil oktyabr ayının 20-si Zəngilan şəhərinin Ermənistan Silahlı Qüvvələrinin işğalından azad edilməsi ilə tarixi ədalət bərpa olundu. Ermənilərin eybəcər simaları, barbarlıqları, vəhşi, dağıdıcı xislətləri və vandalizmləri bütün dünyaya açıq-aşkar məlumdur. Xalqımız öz tarixi torpaqlarına 30 illik işğala son qoyaraq, tarixi ədaləti bərpa edərək geri qayıdır. Ermənistan tərəfindən viran qoyulmuş, dağıdılmış Azərbaycan torpaqları öz sahibinə qovuşaraq özünün yeni çiçəklənən dövrünə qədəm qoyur. Dövlətimiz qısa zaman müddətində zəfər çalmış ölkə olaraq işğaldan azad edilmiş torpaqlarını cənnətə çevirir.
Azərbaycan Ordusu Ermənistan ordusunu Zəngilanda da ağır məğlubiyyətə uğradaraq, xeyli canlı qüvvəsini və texnikasını sıradan çıxarıb. Zəngilan rayonunun işğaldan azad edilməsi ilə Azərbaycan Ordusu Ermənistanla sərhədə çıxıb. Azərbaycan Respublikasında “Zəngilanın azad olunmasına görə” medalı təsis olunub. Prezident İlham Əliyevin sərəncamı ilə Zəngilan rayonunun işğaldan azad edilməsi uğrunda döyüş əməliyyatlarında iştirak edərək şəxsi igidlik və şücaət göstərmiş hərbi qulluqçular “Zəngilanın azad olunmasına görə” medalı ilə təltif olunub.
İşğaldan azad olunan şəhərlərimizdən biri də qədim Azərbaycan torpağı olan Zəngilan şəhəridir. Zəngilanın şəhəri mühüm strateji coğrafi mövqedə yerləşir. Şəhərin azad olunması ilə Azərbaycan-İran sərhədi tam bərpa edilib. Azad olunan ərazilərdə Prezident İlham Əliyevin əmri ilə dərhal yenidənqurma və abadlıq işlərinə başlanıldı. Zəngilan nəqliyyat qovşaqlarının üzərində yerləşir. Buna görədə yenidrənqurma işləri çərçivəsində burada hava limanının tikilməsi xüsusi əhəmiyyətə malikdir. Zəngilan Beynəlxalq Hava Limanının inşası bölgənin inkişafı üçün mühüm faktordur.
Bütün bunlarla yanaşı, 31 iyul 2023-cü il tarixində Prezident İlham Əliyev azad olunan şəhərlərimizin hər birinin şəhər günlərinin təsis edilməsi ilə bağlı sərəncam imzalayıb. Sərəncama əsasən bu gün, 20 oktyabr tarixində bütün Azərbaycan ərazisində Zəngilan şəhəri günü boyük təntənə ilə qeyd edilir. Şəhərlərimizin, o cümlədən, Zəngilan şəhərinin inkişafı ölkəmizin iqtisadi-siyasi həyatında böyük önəm kəsb edir.
Aytac Məhərrəmli,
Yeni Azərbaycan Partiyası Nizami rayon təşkilatının məsləhətçisi
