Azərbaycan və Ermənistan arasında sülh sazişinin imzalanması regionun gələcəyi üçün yeni bir səhifənin açılması demək olacaq. Bu sənəd münaqişə dövrünü arxada qoyaraq, iki ölkə arasında etimada əsaslanan münasibətlərin əsasını qura bilər. Saziş imzalandıqdan sonra nə nəqliyyat yollarının bərpası, nə də iqtisadi əməkdaşlıq qarşısında hüquqi və siyasi baryerlər qalacaq.
Azərbaycan tərəfi dəfələrlə bəyan edib ki, qonşuluq prinsiplərinə əsaslanan münasibətlər qurmaqda maraqlıdır. Bu yanaşma yalnız birbaşa tərəflərə deyil, bütövlükdə Cənubi Qafqazda sabitliyin və rifahın bərqərar olmasına xidmət edəcək. Saziş əməkdaşlıq üçün hüquqi zəmin yaratmaqla yanaşı, beynəlxalq tərəfdaşların iştirakı ilə daha böyük layihələrin həyata keçirilməsinə şərait yaradacaq.
Tarixi düşmənçiliklər üzərində körpülər qurmaq asan olmasa da, gələcəyə baxış və praqmatik yanaşma bu prosesi mümkün edir. Region xalqları üçün real sülh, davamlı inkişaf və qarşılıqlı fayda əsas hədəf olmalıdır. Sazişin imzalanması həmin hədəfə doğru ən mühüm addım olacaq.
Turan Zeynalzadə,
YAP Xəzər rayon təşkilatının fəalı
