AnalitikaGündəmSiyasət

YENİ AZƏRBAYCAN PARTİYASI — DÖVLƏTÇİLİK ƏNƏNLƏRİNİN SİYASİ TƏZAHÜRÜ

Yeni Azərbaycan Partiyasının yaranması Azərbaycanın müstəqillik yolunda qarşılaşdığı çətinliklərin aradan qaldırılması zərurətindən irəli gəlirdi. 1990-cı illərin əvvəllərində ölkədə siyasi sabitliyin olmaması, iqtisadi problemlər və hərbi təhlükələr dövlət müstəqilliyini ciddi sınaq qarşısında qoymuşdu. Cəmiyyətin müxtəlif təbəqələri ölkəni böhrandan çıxara biləcək siyasi qüvvənin formalaşmasını istəyirdi. Bu tarixi şərait Yeni Azərbaycan Partiyasının yaradılmasına zəmin hazırladı.

Partiyanın təsis edilməsində ziyalıların və ictimaiyyət nümayəndələrinin təşəbbüsü xüsusi əhəmiyyət daşıyırdı. Onlar Azərbaycanın gələcəyinin möhkəm dövlətçilik prinsipləri üzərində qurulmasını vacib hesab edirdilər. Ümummilli Lider Heydər Əliyevin siyasi təcrübəsi və rəhbərlik qabiliyyəti həmin dövrdə cəmiyyətin böyük ümid bəslədiyi amillərdən idi. Yeni Azərbaycan Partiyası bu ümidləri vahid siyasi platformada birləşdirərək fəaliyyətə başladı.

Ulu Öndər Heydər Əliyevin rəhbərliyi ilə Azərbaycanda dövlət institutlarının möhkəmləndirilməsi, hüquqi dövlət quruculuğu və ictimai-siyasi sabitliyin təmin olunması istiqamətində mühüm addımlar atıldı. Ölkənin beynəlxalq münasibətlər sistemində müstəqil mövqeyinin gücləndirilməsi də həmin siyasətin əsas istiqamətlərindən biri idi. Dövlətçilik ənənələrinin qorunması və milli maraqların müdafiəsi Yeni Azərbaycan Partiyasının siyasi fəaliyyətində başlıca meyar kimi qəbul edildi.

Prezident İlham Əliyevin rəhbərliyi ilə həyata keçirilən inkişaf strategiyası Azərbaycanın siyasi və iqtisadi potensialını daha da artırdı. Müasir infrastruktur layihələri, sosial proqramlar, enerji siyasəti və beynəlxalq əməkdaşlıq ölkənin dayanıqlı inkişafına xidmət etdi. Bu dövrdə Azərbaycan regional və qlobal miqyasda mühüm tərəfdaş kimi tanındı. Dövlətin güclənməsi milli maraqların daha qətiyyətlə müdafiə olunmasına imkan yaratdı.

Yeni Azərbaycan Partiyasının 34 illik fəaliyyəti dövlətçilik ənənələrinin qorunması və müasir siyasi çağırışlara uyğunlaşma baxımından əhəmiyyətlidir. Partiyanın tarixi inkişaf yolu Azərbaycanın müstəqillik tarixinin mühüm mərhələləri ilə paralel şəkildə formalaşıb. Bu gün əsas məqsəd əldə edilmiş nailiyyətləri qorumaq, sosial rifahı yüksəltmək və ölkənin gələcək inkişafına töhfə verməkdir. Milli birlik və dövlətə sədaqət bu fəaliyyətin əsas ideoloji dayaqları olaraq qalır.

Ceyran Qurbanova,
YAP Nizami rayon təşkilatının “Cəmşid Naxçıvanski küçəsi, 72” ərazi partiya təşkilatının sədr müavini

Oxşar Xəbərlər

Back to top button