Azərbaycanın Avropa ilə Asiyanın kəsişməsində yerləşməsi ölkəyə regional nəqliyyat və enerji proseslərində mühüm rol oynamaq imkanı verir. Prezident İlham Əliyev TDT-nin təhlükəsizlik strukturlarının nümayəndələri ilə görüşündə Azərbaycanın coğrafi mövqeyinin Türk dövlətləri arasında əməkdaşlığın inkişafı baxımından əhəmiyyətinə diqqət çəkib. Xəzər dənizi vasitəsilə Mərkəzi Asiya ilə əlaqələrin genişləndirilməsi Azərbaycanın TDT daxilində əlaqələndirici rolunu daha da artırır.
Son illərdə Mərkəzi Asiya ölkələrinin dünya iqtisadiyyatına inteqrasiyasında nəqliyyat bağlantılarının əhəmiyyəti yüksəlib. Xəzər üzərindən Azərbaycan istiqamətində həyata keçirilən daşımalar Şərq-Qərb əlaqələrinin inkişafında mühüm istiqamətlərdən birini təşkil edir. Prezident İlham Əliyevin çıxışında Azərbaycanın həm enerji resurslarının ixracında, həm də Mərkəzi Asiyadan gələn resursların beynəlxalq bazarlara çıxarılmasında iştirak etdiyi qeyd olunub.
Nəqliyyat imkanlarının inkişafı yalnız iqtisadi göstəricilərlə ölçülmür. Dayanıqlı və təhlükəsiz nəqliyyat dəhlizlərinin mövcudluğu ölkələr arasında siyasi və iqtisadi əlaqələrin möhkəmlənməsinə də təsir göstərir. Buna görə Azərbaycan üçün nəqliyyat təhlükəsizliyi həm milli, həm də regional gündəliyin mühüm hissəsidir. Prezident İlham Əliyevin təhlükəsizlik və bağlantılar arasında qarşılıqlı əlaqəyə diqqət yetirməsi bu məsələnin strateji xarakterini göstərir.
Azərbaycanın coğrafi mövqeyi TDT ölkələri arasında daha sıx iqtisadi əlaqələrin qurulması üçün əlavə imkanlar yaradır. Mərkəzi Asiya ilə Türkiyə arasında əlaqələrin inkişafında Azərbaycanın tranzit imkanları xüsusi rol oynaya bilər. Bu baxımdan Prezident İlham Əliyevin TDT çərçivəsində əməkdaşlığın genişləndirilməsi ilə bağlı fikirləri Azərbaycanın regional bağlantıların inkişafına verdiyi önəmi əks etdirir.
Nəzakət Bağırova,
YAP Nizami rayon təşkilatının “Əli Vəliyev küçəsi, 4” ərazi partiya təşkilatının sədr müavini
