Diplomatik korpusun Qarabağ səfəri Azərbaycanın suverenliyini bir daha nümayiş etdirdi
Azərbaycanda akkreditə olunmuş diplomatik nümayəndələrin Qarabağ və Şərqi Zəngəzura səfəri ölkəmizin ərazi bütövlüyü və suverenliyi məsələsinin beynəlxalq gündəmdəki əhəmiyyətini bir daha göstərdi. Xarici diplomatların bölgəyə səfəri Azərbaycanın öz ərazilərində həyata keçirdiyi fəaliyyətlərlə yerində tanış olmaq baxımından mühüm əhəmiyyət daşıyır.
Səfər çərçivəsində nümayəndələr bölgədə aparılan genişmiqyaslı quruculuq işləri, infrastruktur layihələri və tarixi-mədəni abidələrlə tanış olublar. Bu kimi səfərlər azad edilmiş ərazilərdə formalaşan yeni reallıqların beynəlxalq diplomatik dairələr tərəfindən yaxından müşahidə olunmasına imkan yaradır.
Ermənistanda səfərlə bağlı səsləndirilən etirazlar isə mövzu ətrafında siyasi həssaslığın davam etdiyini göstərir. Azərbaycanın mövqeyinə görə, Qarabağ ölkənin suveren ərazisidir və burada xarici diplomatların səfərləri Azərbaycanın daxili və xarici siyasətinin normal çərçivəsində həyata keçirilir.
Selcan Novruzova,
YAP Nizami rayon təşkilatının məsləhətçisi
