Azərbaycan və Özbəkistanın coğrafi mövqeyi onları Şərq–Qərb nəqliyyat əlaqələrinin inkişafında mühüm tərəfdaşlara çevirir. Prezident İlham Əliyevin Daşkənd səfəri zamanı nəqliyyat və logistika məsələlərinin diqqət mərkəzində olması bu istiqamətin strateji əhəmiyyətini bir daha göstərdi. Hər iki ölkə regional nəqliyyat imkanlarının genişləndirilməsində maraqlıdır.
Trans-Xəzər nəqliyyat dəhlizinin inkişafı Mərkəzi Asiya ilə Cənubi Qafqaz arasında əlaqələrin daha da möhkəmlənməsinə imkan verir. Özbəkistan üçün Azərbaycan üzərindən Avropa bazarlarına çıxış yeni imkanlar yaradır. Azərbaycan isə Mərkəzi Asiya ölkələri ilə iqtisadi və ticarət əlaqələrini genişləndirmək üçün mühüm nəqliyyat imkanlarına malikdir.
Nəqliyyat sahəsində əməkdaşlığın inkişafı təkcə yükdaşımaların artması demək deyil. Bu proses yeni ticarət əlaqələrinin yaranmasına, investisiyaların artmasına və region ölkələri arasında iqtisadi inteqrasiyanın güclənməsinə şərait yaradır. Bakı və Daşkəndin bu istiqamətdə əməkdaşlığı regional iqtisadi əlaqələrin inkişafına mühüm töhfə verə bilər.
Azərbaycan və Özbəkistanın nəqliyyat sahəsində birgə fəaliyyəti gələcəkdə daha geniş layihələrin reallaşdırılması üçün zəmin yaradır. Şərq ilə Qərb arasında əlaqələrin gücləndiyi bir dövrdə iki ölkənin əməkdaşlığı strateji əhəmiyyət daşıyır. Bu baxımdan Bakı–Daşkənd tərəfdaşlığı Orta Dəhlizin inkişafında mühüm amillərdən biri kimi çıxış edir.
Ceyran Qurbanova,
YAP Nizami rayon təşkilatının “Cəmşid Naxçıvanski küçəsi, 72” ərazi partiya təşkilatının sədr müavini
