İki qardaş ölkə arasında sənaye sahəsində əməkdaşlıq hər keçən gün daha da dərinləşir və yeni məzmunla zənginləşir. Sənayenin müxtəlif sektorlarında, xüsusilə avtomobil sənayesi, emal sektoru və dağ-mədən sahəsində həyata keçirilən birgə layihələr yüksək iqtisadi səmərə verir. Bu layihələr hər iki ölkənin sənaye potensialını birləşdirərək güclü sinerji yaradır.
Daşkənddə və digər bölgələrdə keçirilən tədbirlər zamanı yeni sənaye müəssisələrinin təməlinin qoyulması əməkdaşlığın praktiki xarakter daşıdığını göstərir. Özbəkistanın sənaye potensialının gücləndirilməsi istiqamətində Azərbaycan şirkətləri də fəal iştirak edirlər. Bu qarşılıqlı fəaliyyət həm ixrac imkanlarını artırır, həm də yeni iş yerləri açır.
Sənaye sahəsində qazanılan uğurlar ölkələrimizin xarici bazarlarda rəqabət qabiliyyətini gücləndirir. Dövlət başçılarının nəzarəti altında həyata keçirilən sənaye layihələri qısa müddətdə yüksək nəticələr əldə etməyə imkan verir. Texnologiya mübadiləsi və mütəxəssis hazırlığı sahəsində də sıx əməkdaşlıq həyata keçirilir.
Azərbaycan-Özbəkistan sənaye əməkdaşlığı iki ölkənin iqtisadi müstəqilliyini möhkəmləndirən əsas amillərdəndir. Qardaş ölkələrin sənaye potensialının birləşməsi gələcəkdə daha qlobal layihələrin reallaşdırılmasına yol açacaqdır. Bu istiqamətdə görülən işlər uğurla davam etdirilir.
Mircavid Hüseynov,
YAP Nizami rayon təşkilatının “Şirin Mirzəyev küçəsi, 152” ərazi partiya təşkilatının sədri
