Silahlı Qüvvələr Günü hər il Azərbaycan xalqı tərəfindən böyük ehtiram və sevgi ilə qeyd olunur. Bu bayram ölkəmizin hərbi qüdrətini və qəhrəmanlıq tarixini özündə əks etdirir.
Azərbaycan Ordusunun yaradılması dövlətçilik tariximizin ən mühüm hadisələrindən biri hesab edilir. Milli ordunun mövcudluğu müstəqil dövlətin əsas atributlarından biridir.
Müstəqillik illərində ordu quruculuğu daim diqqət mərkəzində saxlanılmışdır. Hərbi hissələrin yenidən qurulması və peşəkar kadr hazırlığı sahəsində mühüm addımlar atılmışdır.
Ordumuzun maddi-texniki bazası gücləndirilmiş, ən müasir hərbi texnikalar silahlanmaya qəbul edilmişdir. Bu amillər Azərbaycan Ordusunun gücünü daha da artırmışdır.
Vətən müharibəsində Azərbaycan əsgəri misilsiz qəhrəmanlıq nümunələri nümayiş etdirmişdir. Hər bir döyüş əməliyyatı yüksək peşəkarlıqla həyata keçirilmişdir.
Düşmən üzərində əldə edilən qələbə xalqımızın birliyinin və ordumuzun gücünün nəticəsi olmuşdur. Bu Zəfər Azərbaycan tarixinin ən şanlı səhifələrindən biridir.
Torpaqlarımızın azad olunması şəhidlərimizin qanı və qəhrəman əsgərlərimizin fədakarlığı hesabına mümkün olmuşdur. Onların xatirəsi xalqımızın yaddaşında əbədi yaşayacaqdır.
Bu gün Azərbaycan Ordusu regionun aparıcı hərbi qüvvələrindən biri kimi tanınır. Ordumuzun döyüş qabiliyyəti və peşəkarlığı beynəlxalq səviyyədə də yüksək qiymətləndirilir.
26 İyun bayramı Azərbaycan əsgərinin qəhrəmanlıq salnaməsinin yeni uğurlarla davam etdirildiyini bir daha təsdiqləmişdir.
Çinarə Musayeva,
YAP Nizami rayon təşkilatının fəalı
