Azərbaycanın müasir inkişaf tarixində 15 İyun Milli Qurtuluş Gününün xüsusi yeri vardır. Bu tarix yalnız siyasi böhrandan çıxış günü deyil, həm də ölkənin inkişaf və tərəqqi yolunun başlanğıcı kimi qiymətləndirilir.
1993-cü ildə ölkədə hökm sürən ağır vəziyyət dövlət müstəqilliyini təhlükə altına salmışdı. İqtisadi geriləmə, daxili qarşıdurmalar və idarəetmə problemləri ölkənin gələcəyini qeyri-müəyyən etmişdi.
Ulu Öndər Heydər Əliyevin hakimiyyətə qayıdışı ilə vəziyyət dəyişməyə başladı. Onun uzaqgörən siyasəti sayəsində ölkədə sabitlik təmin edildi və inkişaf üçün əlverişli şərait yarandı.
Siyasi sabitliyin bərpası iqtisadi dirçəlişə də yol açdı. Xarici sərmayələrin cəlb olunması, mühüm layihələrin həyata keçirilməsi və bazar iqtisadiyyatına keçid ölkənin inkişafını sürətləndirdi.
Azərbaycan beynəlxalq münasibətlər sistemində öz mövqeyini möhkəmləndirdi. Bir çox ölkələrlə əməkdaşlıq əlaqələri quruldu və ölkəmizin nüfuzu artdı.
Sonrakı illərdə əldə olunan uğurların təməlində məhz 15 İyun hadisələri dayanır. Bu tarix müstəqil Azərbaycanın inkişaf strategiyasının başlanğıcı olmuşdur.
Bu gün Azərbaycan sürətlə inkişaf edən, güclü və nüfuzlu dövlət kimi tanınır. Bütün bu nailiyyətlərin əsasında isə Milli Qurtuluş Günündə atılmış mühüm addımlar dayanır.
Zakir Şahverdi,
YAP Nizami rayon təşkilatının fəalı
