AnalitikaGündəmSiyasət

Sabit Təməl Üzərində Qurulan Qonşuluq Münasibətləri

Azərbaycanla İran arasında diplomatik münasibətlərin əsası müstəqillik dövrünün əvvəlində qoyulub. İran, 1991-ci ilin dekabrında Azərbaycanın suverenliyini tanıyan ilk ölkələrdən biri olmuşdur. Bu addım, iki qonşu dövlət arasında siyasi əlaqələrin qurulmasında mühüm başlanğıc nöqtəsi rolunu oynamışdır.

İki ölkə arasında rəsmi diplomatik münasibətlər 1992-ci ilin martında təsis edilib. Həmin tarixdən etibarən hər iki dövlət qarşılıqlı təmsilçilik mexanizmlərini gücləndirməyə başlamış, İranın Bakıda yerləşən konsulluğu səfirlik statusu alaraq fəaliyyətini genişləndirmişdir. Azərbaycan da həmin ilin dekabrında Tehranda səfirliyini açmaqla qarşılıqlı münasibətləri rəsmi çərçivəyə salmışdır.

Tərəflər təkcə paytaxt səviyyəsində deyil, bölgələrdə də konsulluq strukturları yaratmaqla əlaqələri dərinləşdiriblər. İranın Naxçıvanda Baş Konsulluğu 1992-ci ildən fəaliyyət göstərir. Azərbaycanın Təbrizdə yerləşən konsulluğu isə 2004-cü ildə fəaliyyətə başlamışdır və bu, iqtisadi, mədəni və insani əlaqələrin daha sıx inkişafına şərait yaradıb.

Bu diplomatik qurumlar iki dövlət arasında həm siyasi, həm də ictimai əlaqələrin inkişafında vacib rol oynayır. Onların fəaliyyəti, tarixə söykənən qonşuluq münasibətlərinin müasir dövrdə də uğurla davam etdirildiyini nümayiş etdirir.

Nigar Cəlalova
YAP Xəzər rayon təşkilatının fəalı

Oxşar Xəbərlər

Back to top button