Sumqayıtda yunan-Roma güləşi üzrə şəhər çempionatı keçirilib

Sumqayıt şəhər Gənclər və İdman Baş İdarəsinin təşkilatçılığı ilə “Alüminiumçu” İdman Evində “Sumqayıt gəncləri narkomaniyaya yox deyir” devizi altında yunan-Roma güləşi üzrə şəhər çempionatı keçirilib.

Aktualinfo.az AZƏRTAC-a istinadən xəbər verir ki, 60-dan artıq idmançının qatıldığı çempionatın qalib və mükafatçıları cari ilin dekabr ayında keçiriləcək Azərbaycan çempionatında iştirak etmək hüququ əldə ediblər.

Sonda mükafatçılar şəhər Gənclər və İdman Baş İdarəsinin fəxri fərman, medal və hədiyyələri ilə təltif olunublar.