Prezident İlham Əliyevin Bişkekdə keçirilən Türk Dövlətləri Təşkilatının Dövlət Başçılarının 11-ci Zirvə görüşündəki çıxışı, həm Azərbaycan üçün, həm də Türk Dünyası üçün əhəmiyyətli mesajlarla zəngin olub. Bu görüş, Türk Dövlətləri Təşkilatının regional və beynəlxalq məsələlərdə birgə fəaliyyətini gücləndirmək, üzv ölkələr arasında əməkdaşlıq əlaqələrini möhkəmləndirmək və Türk dünyasının sülh və təhlükəsizlik sahəsindəki strateji mövqeyini vurğulamaq məqsədini güdür.
İlham Əliyev, Türk Dövlətləri Təşkilatının regional və qlobal əhəmiyyətini vurğulayaraq, təşkilatın beynəlxalq siyasi və iqtisadi məsələlərdə daha fəal mövqe tutmasının vacibliyini , Türk dünyasının birgə hərəkət etməsinin və bir-birinə dəstək olmasının, üzv ölkələr arasında həmrəyliyin möhkəmlənməsinin əhəmiyyətini xüsusi olaraq qeyd etdi.
Azərbaycan tərəfindən əldə edilmiş uğurları və ölkənin müstəqilliyini qorumaq, ərazi bütövlüyünü təmin etmək sahəsindəki irəliləyişləri nəzərə alaraq, Qarabağ və Şərqi Zəngəzur məsələlərinin strateji önəmindən ,Vətən müharibəsindən sonra Azərbaycanın işğaldan azad etdiyi torpaqlarda həyata keçirilən bərpa işləri və regionda sülhün möhkəmləndirilməsi istiqamətindəki fəaliyyətini vurğuladı. Eyni zamanda, Azərbaycanla Ermənistan arasında imzalanmış sülh müqaviləsi və normal əlaqələrin qurulması barədə danışdı.
Türk Dövlətləri Təşkilatının iqtisadi əməkdaşlığının artırılması üçün bir sıra önəmli layihələrdən bəhs edildi. Xüsusilə nəqliyyat, ticarət, enerji sahələrində əməkdaşlığın inkişaf etdirilməsinin əhəmiyyətinə toxundu. Azərbaycan, tranzit imkanları ilə Türk Dövlətləri Təşkilatına üzv ölkələrin iqtisadi əlaqələrini daha da gücləndirməkdə mühüm bir rol oynayır. Azərbaycanın transxəzər və transqafqaz nəqliyyat dəhlizlərindəki fəallığını ön plana çəkildi.
Türk dünyasının mədəni və dil birliyinin gücləndirilməsinin, sosial və humanitar sahələrdə də əlaqələrin inkişaf etdirilməsinin vacibliyini , Türk dövlətləri arasında qarşılıqlı anlaşma və əməkdaşlığın, regionda və dünyada sülhün, sabitliyin qorunmasına və daha da möhkəmləndirilməsinə xidmət edəcəyini bildirdi.Türk dövlətlərinin birliyi və əməkdaşlığının, yalnız regional deyil, qlobal sabitlik üçün də əhəmiyyətli olduğunu Azərbaycan, hər zaman sülh və sabitliyi dəstəkləyən bir ölkə kimi, Türk Dövlətləri Təşkilatının bu yolda fəal rolunu alqışladığını ifadə etdi.
Prezident İlham Əliyevin Bişkekdəki çıxışı, Türk Dövlətləri Təşkilatının gələcək istiqamətləri ilə bağlı aydın və ümumi bir baxış təqdim etdi. Azərbaycan, həm siyasi, həm də iqtisadi sahədə Türk Dünyasında mühüm bir yer tutan dövlət olaraq, regional və beynəlxalq məsələlərdə daha güclü bir əməkdaşlıq üçün təkliflər irəli sürdü. Bu zirvə görüşü, Türk Dövlətləri Təşkilatının birgə fəaliyyətini daha da möhkəmləndirəcək, üzv dövlətlər arasında qarşılıqlı dəstəyi artıracaq bir platforma çevriləcək.
Mətanət Cəfərova,
YAP-nın fəalı
